Llanast Mwdlyd Cerdyn y
Llanast Mwdlyd Cerdyn y Trefnydd Ynglŷn â'r gweithgaredd Mae'r gweithgaredd hwn wedi'i gynllunio i wneud i blant feddwl am ddeunyddiau golchi. Mae Gem a Cosmic ar eu ffordd MUDDY i barti'r MESS ysgol. O na, trychineb! Mae Gem wedi cwympo gan lanio mewn pwdl mwdlyd. Mae ei chrys-T yn frwnt iawn. Beth all hi ei wneud Trwy'r gweithgaredd hwn byddwch yn cynorthwyo'ch grŵp i: • Feddwl am y dull gorau o lanhau mwd oddi ar grys-t • Profi gwahanol ddulliau ac arsylwi pa mor dda maen nhw'n gweithio i gael gwared â'r mwd • Cofnodi eu canlyniadau a'u rhannu â'r grŵp Rhestr o adnoddau • Ffabrig - gallech chi adael i wahanol grwpiau ddefnyddio gwahanol ffabrigau • Powlenni • Powdwr golchi, sebon neu lanedydd - efallai y gallech chi brofi gwahanol frandiau • Dŵr cynnes ar gael • Camera a/neu ddeunyddiau gwneud posteri (dewisol) Beth i'w wneud 1. Dilynwch y cyfarwyddiadau ar y cerdyn gweithgaredd. Gwnewch yn siŵr eich bod yn rhoi amser i'r plant siarad am eu syniadau. 2. Darllennwch y stori. Gofynnwch i'r plant siarad â chyfaill am y syniadau yn y cwestiynau a safbwyntiau Gem, Cosmic ac Anti Stella 3. Rhowch ffabrigau mwdlyd, sebon neu bowdwr golchi gwan i'r plant. Rhowch amser iddyn nhw siarad am sut y byddan nhw'n glanhau'r ffabrig lleidiog . 4. Gallech chi gasglu eu syniadau gwahanol ynghylch sut i lanhau'r ffabrig. Sut fyddan nhw'n profi'r syniadau hyn? Anogwch nhw i feddwl am brofion teg e.e. defnyddiwch yr un faint o ddŵr, ffabrig o'r un maint neu a ddylid troi'r ffabrigau o gwmpas. Anogwch nhw i ddefnyddio eu syniadau eu hunain. 5. Pan fyddan nhw wedi gorffen gallan nhw roi'r gwahanol samplau o ffabrig ar bodiwm yr enillwyr i ddangos pa rai yw'r glanaf. Gallai plant wneud poster, defnyddio ffotograffau neu drefnu samplau o ffabrig a nodiadau mewn arddangosfa. A allan nhw feddwl am unrhyw ddulliau eraill o lanhau'r ffabrig yn lân? 6. Mae gweithgareddau dilynol ar gael i'r plant sydd wedi gorffen neu sydd am wneud rhagor o ddarganfod gartref ac ennill sticer bonws.
Pethau i'w hystyried Dylai plant geisio glanhau'r ffabrig a llunio sylwadau syml am yr hyn sy'n digwydd. Mae llawer o gyfleoedd hefyd i helpu'r plant i feddwl am brofion teg yn yr ymchwiliad hwn. Beth allan nhw ei gadw'r un fath e.e. maint a math y ffabrig, faint o fwd, maint a thymheredd y dŵr (oni bai eu bod yn profi tymereddau gwahanol), a ddylid rhwbio'r deunydd, y nifer o weithiau mae'r ffabrig sych yn cael ei rwbio. Mynd gam ymhellach Mae sebon a phowdwr golchi'n helpu i godi'r baw o ddillad. Byddan nhw'n gwneud hyn trwy amgylchynu'r gronynnau baw a'u helpu i gymysgu â'r dŵr. Gall tymheredd y dŵr wneud gwahaniaeth. Mae rhai powdrau golchi'n cael eu cynllunio i weithio ar dymheredd isel (llai na 40 o C). Mae hyn yn helpu i leihau faint o ynni sydd ei angen i olchi pob llwyth o ddillad. Mae'n ddiddorol ceisio darganfod a yw'r holl honiadau a wneir ynghylch powdrau golchi yn wir. Allweddeiriau MESS • Glanedydd • sebon • samplo • ffabrig • glanhau Byddwch yn ofalus! Dylai'r dŵr fod ar dymheredd sy'n ddiogel i'w drin. Os yw plant yn golchi'r ffabrigau â llaw, defnyddiwch sebon neu lanedyddion gwan sydd ddim yn alergenig. Gall rhai powdrau MUDDY golchi achosi MESS llid ar y croen. Dylai plant wisgo menig diogelu. Sicrhewch nad yw'r powlenni'n rhy llawn o ddŵr er mwyn osgoi gollyngiadau ar y llawr. Mopiwch ollyngiadau er mwyn osgoi llithriadau Cymdeithas Wyddoniaeth Prydain Rhif Elusen Gofrestredig 212479 ac SC039236
