SLIPPERY SHOES Esgidiau
SLIPPERY SHOES Esgidiau Llithrig Cerdyn y Trefnydd Ynglŷn â'r gweithgaredd Mae'r gweithgaredd hwn wedi'i gynllunio i wneud i blant feddwl am ffrithiant. Wps! Mae Gem a Cosmic wedi llithro ar y llawr. Helpwch nhw i ddysgu sut i sicrhau na fydd yn digwydd eto. Trwy'r gweithgaredd hwn byddwch yn cynorthwyo'ch grŵp i: SLIPPERY SHOES • Feddwl pam mae'r esgidiau wedi llithro ar y llawr • Prfi gwahanol esgidiau ac arsylwi pa rai yw'r rhai mwyaf llithrig a lleiaf llithrig • Cofnodi eu canlyniadau a'u rhannu â'r grŵp. Rhestr o adnoddau • Casgliad o esgidiau i'w didoli a'u profi - gallai plant ddod â rhai o'u hesgidiau eu hunain i mewn • Ramp llydan e.g. silff, bwrdd gwyn, hambwrdd • Defnyddiau gwahanol i orchuddio'r ramp (dewisol) • Dalennau podiwm – www.britishscienceassociation.org/creststar Beth i'w wneud 1. Dilynwch y strwythur ar y CERDYN GWEITHGAREDD. Gwnewch yn siŵr eich bod yn rhoi amser i blant siarad am eu syniadau. 2. Darllenwch y stori. Yna gofynnwch i'r plant siarad â chyfaill am gwestiynau a safbwyntiau Cosmic, Gem a'r Gofalwr. 3. Bydd ar bob grŵp angen esgidiau i'w didoli a phrofi. 4. Eglurwch sut y gallen nhw brofi'r esgidiau ond anogwch hwy i ddefnyddio eu syniadau eu hunain hefyd. 5. Pan fyddan nhw wedi gorffen rhowch yr esgidiau ar bodiwm yr enillwyr a siaradwch am pam mai hwy oedd yr esgidiau gorau. Hefyd gallen nhw dynnu ffotograffau tra'n gwisgo esgidiau llithrig a rhai nad ydyn nhw'n llithrig neu dynnu llun o Cosmic a Gem yn gwisgo'r esgidiau gwrthlithro. 6. Mae gweithgareddau dilynol ar gyfer plant sydd wedi gorffen neu sydd am wneud rhagor o ddarganfod gartref ac ennill sticer bonws.
Pethau i'w hystyried Efallai y bydd y plant yn dymuno archwilio llithro'r esgidiau ar y ramp yn gyntaf cyn iddyn nhw brofi pob esgid yn systematig. Mae'n dda i blant yn penderfynu defnyddio eu ramp mewn gwahanol ddulliau i'r un a awgrymir ar y CERDYN GWEITHGAREDD. Efallai y byddan nhw'n ceisio codi'r ramp i weld pryd bydd yr esgidiau'n llithro. Efallai y byddan nhw'n profi dwy esgid ar y tro. Efallai y byddan nhw'n ceisio newid arwyneb y ramp i weld pam bod Cosmic a Gem wedi llithro ar lawr y neuadd ond nid ar y carped yn y coridor. Mynd gam ymhellach SLIPPERY SHOES Mae ffrithiant rhwng arwynebau yn atal pethau rhag llithro. Os yw esgidiau ac arwynebau'n llyfn iawn, mae'n annhebygol y bydd llawer o ffrithiant. Os yw'r naill arwyneb neu'r llall yn cael ei arwhau ychydig, yn gyffredinol bydd yr esgidiau'n gafael yn well. Mae esgidiau â sodlau uchel yn llithrig gan nad oes ganddyn nhw lawer o wyneb yn cyffwrdd â'r ddaear. Gall rhai esgidiau glaw lithro'n hawdd hefyd oherwydd eu bod wedi'u cynllunio i gael eu defnyddio mewn amgylchiadau mwdlyd, nid ar arwynebau llyfn. Bydd newid arwyneb y llawr yn gwneud gwahaniaeth amlwg i lithro. Mae llathrydd yn lleihau ffrithiant. Mae carped yn llawer mwy garw, sy'n cynyddu ffrithiant. Allweddeiriau • Ffrithiant • Llithro • Arwynebau Byddwch yn ofalus! Byddwch yn ofalus ynghylch plant sy'n rhoi cynnig ar wneud y gweithgaredd go iawn ar lawr llithrig. Cymdeithas Wyddoniaeth Prydain Rhif Elusen Gofrestredig 212479 ac SC039236
