JOURNEY STICK Ffon Daith

JOURNEY STICK Ffon Daith Cerdyn y Trefnydd Ynglŷn â'r gweithgaredd Gofynnwyd i'r plant ddilyn yn ôl troed yr Awstraliaid Brodorol a chreu ffon daith. Mae ganddi wrthrychau ynghlwm mewn trefn gronolegol i'w hatgoffa o'u taith ac i helpu i adrodd straeon. JOURNEY STICK Pan fyddai Brodorion Awstralia'n mynd ar deithiau hir, bydden nhw'n clymu gwrthrychau wrth ffon. Bydden nhw'n dechrau ar un pen y ffon ac yn gweithio ar ei hyd wrth iddyn nhw deithio. Byddai'r gwrthrychau yn eu helpu i gofio digwyddiadau a phrofiadau ar eu taith ac i ddweud wrth eraill am eu hanturiaethau. Yn y gweithgaredd hwn, bydd y plant yn casglu gwrthrychau i wneud eu ffon daith eu hunain. Rhestr o adnoddau • Ffyn (gallai plant ddewis eu ffyn eu hunain) • Rhywbeth i glymu'r gwrthrychau i'r ffon e.e. llinyn, tâp, edau cotwm, dolennau elastig • Gwlân lliw neu stribedi ffabrig mewn hambwrdd mawr neu fagiau bach ar gyfer pob grŵp. Gallant gynrychioli lleoedd a digwyddiadau ar y daith, e.e. gwlân glas ar gyfer dŵr neu ffabrig coch ar gyfer yr haul yn machlud wrth i'r daith ddod i ben. Beth i'w wneud 1. Darllenwch y CERDYN GWEITHGAREDD er mwyn ymgyfarwyddo â'r gweithgaredd. 2. Gwiriwch y rhestr Adnoddau i sicrhau eich bod wedi casglu'r adnoddau angenrheidiol. 3. Gosodwch yr olygfa trwy drafod syniad y ffon daith. Mae'n helpu i feddwl am bobl Frodorol. Mae llawer o wefannau sy'n rhoi gwybodaeth gefndirol 4. Dangoswch ffon i'r plant a thrafod dulliau posibl o gofnodi pethau ar y ffon. Cofiwch feddwl am gofnodi digwyddiadau yn ogystal â gwrthrychau. 5. Rhowch amser i blant drafod beth y gallen nhw ddod o hyd iddo a'i brofi ar eu taith. Efallai y byddan nhw hefyd yn helpu i gynllunio eu llwybr. 6. Atgoffwch y plant am ddiogelwch a phlanhigion na ddylen nhw eu casglu. 7. Cychwynnwch y grwpiau ar eu her. Os byddan nhw'n mynd i gyfeiriadau gwahanol i gynyddu'r amrywiaeth, efallai y bydd angen i chi ofyn i oedolion eraill eich helpu chi. 8. Atgoffwch y plant i gofnodi pethau mewn trefn ac i beidio â chynnwys gormod o eitemau. 9. Rhowch oddeutu 20 munud i'r plant ar gyfer eu taith. 10. Pan fydd y plant yn dychwelyd, rhowch amser iddyn nhw drafod beth maen nhw'n mynd i siarad amdano. 11. Ffurfiwch gylch a rhannwch straeon am eu teithiau gan ddefnyddio'r ffyn taith.

Pethau i'w hystyried Anogwch y plant i fachu eu heitemau eu hunain wrth y ffon ac i gofnodi digwyddiadau a phrofiadau yn ogystal â gwrthrychau. Mae rhai planhigion yn wenwynig neu'n llidio croen. Mae rhai eraill yn brin ac ni ddylid eu casglu. Os ydych chi'n ansicr, holwch rywun neu osgowch y llecyn. Dylai plant osgoi tynnu planhigion cyfan allan o'r pridd. Ddylai anifeiliaid ddim cael eu bachu wrth y ffon! Bydd y gweithgaredd hwn yn fwyaf llwyddiannus yn yr awyr agored, ond gellid ei gynnal dan do, os yn briodol. Mynd gam ymhellach Mae gan ffyn arwyddocâd arall i bobl Frodorol. Weithiau fe'u gelwid yn ffyn siarad. Pwy bynnag a oedd yn dal y ffon oedd yn cael siarad tra'r oedd pawb yn gwrando. Gallech chi ddefnyddio'ch ffyn taith fel hyn pan fydd y plant yn rhannu eu syniadau. Allweddeiriau • Teithiau • Teithio • Cofarwyddion JOURNEY STICK Byddwch yn ofalus! Rhaid i blant olchi eu dwylo ar ôl y digwyddiad. Dim bysedd mewn cegau! Osgowch blanhigion gwenwynig neu bigog. Osgowch fynd yn rhy agos i ddŵr. Ystyriwch y nifer o oedolion sydd eu hangen os ydych chi'n gweithio yn yr awyr agored. Os byddwch chi'n mynd y tu allan i dir yr ysgol, gwnewch yn siŵr eich bod yn dilyn gweithdrefnau'r ysgol a'r awdurdod lleol Cymdeithas Wyddoniaeth Prydain Rhif Elusen Gofrestredig 212479 ac SC039236