Fy Nghwpan De Ddelfrydol

Fy Nghwpan De Ddelfrydol Cerdyn Gweithgareddd Mae'n swyddogol! Mae Prydain yn wlad o bobl sydd wrth eu bodd â the. Bydd 165,000,000 o baneidiau o de yn cael eu hyfed bob dydd ym Mhrydain. Mae pawb yn hoffi hoff baned y genedl, ond a ydych chi erioed wedi sylwi fod gan bawb eu hoff gwpan eu hunain hefyd? Mae rhai pobl yn mynnu cael cwpan a soser tsieni asgwrn, mae'n well gan eraill fwg. Mae gan rai cwpanau gaeadau, mae gan rai ddolenni. Mae rhai yn uchel a thenau, mae rhai yn fyr a thew. Fe'u gwneir o bob math o ddeunyddiau gwahanol, â gwahanol liwiau a dyluniadau, ac mewn gwahanol siapiau. Eichher Mae'r QUALITEA Cup Company yn paratoi ymgyrch hysbysebu newydd â'r slogan, 'Just my cup of tea' i lansio dewis newydd o gwpanau. A allwch chi helpu i benderfynu pa fath o gwpanau fydd orau i'w gwsmeriaid gwahanol? Dyma bedwar o gwsmeriaid y QUALITEA Cup Company: Cwsmer un: "Dw i wrth fy modd yn cael cwpaned poeth iawn o de pan fydda i'n gwylio'r teledu gyda'r nos. Dwi'n hoffi sicrhau fod fy nhe yn boeth iawn hyd at y sip olaf! " Cwsmer dau: "Gartref, byddaf i'n arllwys fy nhe o'r cwpan i'r soser. Dw i'n hoffi iddo oeri'n gyflym. Alla i ddim gwneud hyn pan fydd gen i ymwelwyr, fyddai hynny ddim yn gwrtais. " Cwsmer tri: "Mae'n rhaid i mi gario hambyrddau wedi'u llenwi â chwpanau o de o gwmpas fy nghaffi prysur. Mae arna i angen cwpanau sydd ddim yn llithro o gwmpas ac yn syrthio drosodd! " Cwsmer pedwar: "Cyn dal y trên i'r gwaith, rwy'n cael paned o de a myffin. Mae arna i angen cwpan i fynd gyda mi sydd yn ddigon oer i'w dal ac yn hawdd i'w chario." Trafodwch Beth mae 'cwpan orau' yn ei olygu wrth i ni yfed te? Pa brofion allwch chi eu gwneud i gymharu cwpanau gwahanol? Sut fyddwch chi'n cymharu gwahanol siapiau, deunyddiau a meintiau?

Dechrau arni Mae rhai o'ch cyd-ymchwilwyr wedi dod o hyd i ychydig o syniadau i'ch helpu i ddechrau: "Rydyn ni'n mynd i ddysgu am gadw'r diod yn boeth. Mae angen inni ymchwilio pa gwpan yw'r ynysydd gorau trwy weld faint o amser mae'n ei gymryd i'r diod i oeri. " "Byddwn ni'n darganfod a yw cwpanau â siâp gwahanol yn effeithio ar ba mor gyflym mae te yn oeri. Rydyn ni'n meddwl a yw maint y brig agored yn gwneud unrhyw wahaniaeth hefyd. " "Hoffen ni ddarganfod a oes cwpanau na wnaiff droi drosodd a gollwng mor rhwydd. Byddwn ni'n defnyddio hambwrdd i'w profi. " "Byddwn ni'n ymchwilio cwpanau i weld beth sy'n eu gwneud yn haws i'w dal a'u cario. Pa ddeunydd sy'n hawsaf gafael ynddo? Ydy dolenni'n helpu? A yw'r siâp yn gwneud gwahaniaeth? Beth wnewch chi? Oes gennych chi syniad gwahanol ynglŷn â sut i brofi'r cwpanau? Profwch eich syniadau Efallai y byddwch chi am gofnodi'ch canfyddiadau mewn tabl fel hyn: Pa gwpan sy'n inswleiddio diod poeth orau? Tâp gludiog Pa siâp cwpan sy'n oeri'r diod yn gyflymach? Pa gwpan sy'n hawsaf ei ddal? Pa gwpan sydd orau i atal gollyngiadau? CWPAN 1 CWPAN 2 CWPAN 3 Rhannwch eich syniadau Pa gwpanau a wnaeth yn dda yn eich profion? Ydych chi'n credu y gellid gwella unrhyw un o'r cwpanau mewn unrhyw ffordd? Pam ydych chi'n credu hyn? Gallech chi ddylunio hysbyseb ar y we neu'r radio ar gyfer ymgyrch hyrwyddo 'Just my cup of tea'. gan y QUALITEA Cup Company. Gwnewch yn siŵr eich bod chi'n cynnwys y cwpan gywir ar gyfer pob unigolyn. Pethau ychwanegol i'w gwneud Dyluniwch gwpan de newydd sbon i'r cwmni ei gwerthu. Cymdeithas Wyddoniaeth Prydain Rhif Elusen Gofrestredig 212479 ac SC039236