TESTING TIMERS TESTING

TESTING TIMERS TESTING TIMERS Profi Amserwyr Cerdyn y Trefnydd Ynglŷn â'r gweithgaredd Mae'r gweithgaredd hwn wedi'i gynllunio i wneud i blant feddwl sut mae amserwyr sain yn gweithio. Mae Cosmic a Gem yn ymarfer at ddiwrnod chwaraeon. Mae arnyn nhw angen amserydd i gyfrifo faint o beli y gallan nhw eu cael yn y bwced mewn un munud, ond ni chaniateir iddyn nhw daflu peli yn y gegin ger y cloc. Maen nhw'n dymuno gwneud amserydd i'w ddefnyddio yn yr ardd. Mae Wncwl Astro yn meddwl y gallan nhw ddefnyddio tywod i wneud amserydd. Trwy'r gweithgaredd hwn byddwch yn cynorthwyo'ch grŵp i: • Gymharu amserwyr tywod go iawn ac arsylwi pa newidynnau sy'n effeithio ar yr amser maen nhw'n ei fesur • Arbrofi â thyllau o wahanol faint a gwahanol gyfansymiau o dywod yn eu hamserydd tywod eu hunain • Profi eu hamserydd tywod a ystyried sut y gellid ei wella Rhestr o adnoddau • Amserwyr tywod • Cwpanau papur sych (bydd rhai wedi'u defnyddio a'u golchi'n iawn) • Tywod sych • Gorchudd ar gyfer byrddau • Pensil â blaen main i wneud tyllau • Stopwats neu gloc â bys eiliaidau • Dŵr, siwgr, halen ac ati (dewisol) Beth i'w wneud 1. Cyflwynwch y gweithgaredd gan ddarllen y stori ar y cerdyn gweithgaredd gyda'ch gilydd. Gofynnwch i'r plant siarad â chyfaill am gwestiynau a barnau Cosmic, Gem ac Wncwl Astro 2. Trafodwch sut i sicrhau eu bod yn cyflawni'r dasg yn ddiogel. 3. Gadewch i'r plant edrych ar amserwyr tywod go iawn yn gyntaf. Yna, anogwch nhw i archwilio cwpanau a thyllau o feintiau gwahanol cyn iddyn nhw geisio gwneud eu hamserydd un munud. 6. Siaradwch â'ch gilydd am beth maen nhw wedi'i ddarganfod. Allan nhw esbonio pam fod ganddynt wahanol atebion i faint o dywod sydd arnoch chi ei angen? Beth fydden nhw'n ei newid i wella eu hamserydd? 5. Gall plant greu lluniau wedi'u labelu neu ffotograffau o'u hamserydd. Anogwch nhw i ychwanegu cymaint o fanylion â phosibl gan gynnwys nodweddion dylunio a faint o dywod. 6. Mae gweithgareddau dilynol ar gyfer plant sydd wedi gorffen neu sydd am wneud rhagor o ddarganfod gartref ac ennill sticer bonws. Gallan nhw roi cynnig ar eu hamserwyr ei gilydd trwy chwarae'r gêm 'pêl a bwced'.

Pethau i'w hystyried Efallai na fydd rhai plant wedi gweld amserwyr tywod, felly mae angen iddyn nhw chwarae â rhai sydd wedi'u gweithgynhyrchu'n gyntaf. Gall plant newid math a chyfanswm y tywod a/neu faint y twll. Gadewch iddyn nhw archwilio hyn heb eich cymorth. Bydd yn haws gwneud yr amserwyr os yw plant yn gweithio mewn parau. Gall y plant ddefnyddio clociau i brofi eu hamserwyr. Os bydd hyn yn anodd iddyn nhw, gadewch iddyn nhw gymharu eu hamserydd ag amserydd sydd wedi'i weithgynhyrchu. Mynd gam ymhellach Mae'r cofnodion cynharaf o amserwyr tywod yn dyddio o'r 14eg ganrif a chawsant eu defnyddio'n aml fel amserwyr mewn ffatrïoedd ac ar longau hwylio. Gelwir amserwyr tywod hefyd yn wydrau tywod neu wydrau awr. Heddiw, ceir amserwyr tywod yn aml mewn ceginau a gemau bwrdd. TESTING TIMERS Roedd angen sgiliau manwl i greu amserwyr tywod cywir iawn â'r siâp gwydr awr hardd a thwll bach i reoli llif y tywod. Allweddeiriau • Amser • Mesur TIMERS Byddwch yn ofalus! Gall tywod ar y llawr fod yn llithrig iawn. Atgoffwch blant i beidio â rhwbio eu llygaid pan fyddant yn trin y tywod ac i olchi eu dwylo wedyn. Efallai y bydd angen goruchwyliaeth gan oedolion i wneud y tyllau yn y cwpanau. Gwnewch y twll o'r tu mewn i'r cwpan. Defnyddiwch wyneb meddal o dan y cwpan. Dysgu rhagor (dolenni i wybodaeth bellach) Fel arfer, mae amserwyr wyau yn rhedeg am dri munud. Mae amserwyr un munud ar gael trwy gyflenwyr ysgolion, gweler www. britishscienceassociation.org/creststar Cymdeithas Wyddoniaeth Prydain Rhif Elusen Gofrestredig 212479 ac SC039236