Creaduriaid Cuddliw

Creaduriaid Cuddliw Cerdyn y Trefnydd Ynglŷn â'r gweithgaredd Mae'r gweithgaredd hwn wedi'i gynllunio i wenud i blant feddwl am goed, a'r bywyd y mae coed yn ei gynnal, dechrau bod yn ymwybodol o'r gwahaniaethau rhwng coed. Gofynnwyd i'r plant edrych ar y cuddliw. Dydy Corina ddim yn siŵr sut mae anifeiliaid yn llwyddo i wneud hynny. Trwy'r gweithgaredd hwn byddwch yn cynorthwyo'ch grŵp i: • Feddwl am y gwahanol fathau o guddliw mae anifeiliaid yn eu defnyddio • Rhoi cynnig ar wahanol batrymau o guddliw yn erbyn gwahanol gefndiroedd • Cyflwyno eu canfyddiadau i weddill y grŵp Rhestr o adnoddau Ar gyfer pob grŵp: • Siapiau glöynnod byw wedi'u torri allan o bapur brown neu lwyd (mae papur siwgr neu bapur lapio yn iawn) • Darnau 15 cm o linyn gwyn neu lanhawyr pibelli • Creonau, pensiliau a/neu bennau tip ffelt, sisyrnau, Blu-Tack Gwrthrychau i'w 'cuddio': • Darn o wlân â lliw llachar neu lanhäwr pibell • Anifeiliaid plastig yn eu lliwiau naturiol • Rhywbeth wedi'i dorri allan o dudalen gylchgrawn - eu dewis nhw • Dalen wen sgwâr o bapur (tua 6cm x 6 cm) a rhywfaint o bapur lapio â phatrwm. Gallwch chi neu'r plant ychwanegu gwrthrychau eraill. Beth i'w wneud 1. Cyflwynwch y gweithgaredd gan ddefnyddio'r neges e-bost. 2. Rhowch gardiau gweithgaredd i'r plant. Gallech chi ddangos ychydig o luniau o greaduriaid cuddliw. 3. Esboniwch y byddan nhw'n archwilio sut mae anifeiliaid yn defnyddio cuddliw. Rhowch siâp y glöyn byw brown/llwyd a'r darn o linyn i'r plant. Rhowch amser iddyn nhw drafod ac archwilio cuddliw trwy geisio cyfrifo sut y gallen nhw 'guddio' y glöynnod byw. 4. Anogwch y plant i drafod eu syniadau a sut i gynnal eu hymchwiliadau. 5. Cynorthwywch blant i wneud eu hymchwiliad ac ysgrifennu eu cofnodion eu hunain am eu canlyniadau. Nawr gall y plant gael y set o wrthrychau. Bydd angen i chi ddweud wrth y plant mai un o'r heriau cuddliw yw cuddio'r darn o bapur gwyn ar ben y papur lapio. Ar ôl iddyn nhw chwarae'r gêm, rhowch amser i chi drafod pa bethau oedd y rhai anoddaf i'w gweld a pham. 6. Gofynnwch i'r plant gyflwyno eu canfyddiadau i weddill y grŵp, gallan nhw fod mor greadigol yn eu cyflwyniad ag y dymunan nhw.

Pethau i'w hystyried Atgoffwch y plant NAD yw'r her yn ymwneud â chuddio gwrthrychau o dan bethau. Gadewch iddyn nhw ddewis sut i 'guddio' y gwrthrychau hyd yn oed os ydych chi'n meddwl bod gwell dulliau o wneud hynny. Efallai y bydd plant yn dymuno torri'r sgwâr gwyn o bapur yn siâp afreolaidd yn ogystal â'i liwio. Efallai y bydd y plant yn sylweddoli ei fod yn ddefnyddiol sicrhau nad oes ymyl syth. Allweddeiriau • Anifeiliaid • Cuddliw • Patrymau Byddwch yn ofalus! Nid oes llawer o faterion diogelwch yn y gweithgaredd hwn, heblaw atal plant rhag dringo i 'guddio' eu gwrthrychau. Dysgwch ragor Mae gan anifeiliaid, megis cathod mawr, smotiau neu streipiau i gydfynd â'u hamgylchedd. Mae streipiau sebra yn ei wneud yn anodd i ysglyfaethwr wybod ble mae un anifail yn gorffen a ble mae'r llall yn dechrau. Yn aml iawn, mae gan eirth gwynion ac anifeiliaid eraill sy'n treulio llawer o amser yn yr eira ffwr i gyfateb â hynny. Mae gan rai anifeiliaid hyd yn oed gôt brown ar gyfer yr haf a chôt gwyn ar gyfer y gaeaf (e.e. carlymod). Mae gan rai anifeiliaid groen arbennig a all newid lliw. Cameleonod yw'r rhai enwocaf o'r rhain. Mae anifeiliaid eraill, megis pryfed brigyn, pryfed dail a rhai gwyfynod, wedi'u siapio fel brigau neu ddail. Weithiau caiff anifeiliaid benywaidd eu cuddliwio'n well na'r gwrywod (e.e. ffesant). Bwriad hyn yw sicrhau na chânt eu gweld pan fyddant yn eistedd ar y nyth neu'n gofalu am eu cywion. Cymdeithas Wyddoniaeth Prydain Rhif Elusen Gofrestredig 212479 ac SC039236